ULIH KESAH SI BADIA

Galati 5 : 22 – 26

1. Surat Galati itulis man perpulungen galati erkiteken lit pengajaren arah guru-guru palsu si memutarbalikken pengajaren Yesus (Injil), singataken kalak kristen non Jahudi arus isunat ras ndalanken undang-undang musa sebagai cara ngerembakkan manusia ras Dibata. Paulus ngataken La mungkin manusia ngerembakken dirina kempak Dibata arah ndalanken undang-undang malah sebalikna erabahansa manusia reh dauhna sirang ras lias ate Dibata. “Janah kam si ersura-sura iperembakken ras Dibata arah ndalanken Undang-undang, isirangkenndu kap dirindu i bas Kristus nari. Kam enggo sirang i bas lias ate Dibata nari”. (ay.4) Arah surat enda Paulus nuriken isi pusuhna man kalak galati eme ibas ay. 16 Sura-surangku e me: Kesah Si Badia min si negu-negu kegeluhenndu maka ola iikutkenndu perukurenndu secara manusia.

Ibas bahan PJJ nta enda Paulus nuriken kerna ulih Kesah Si Badia eme si jadi temanta.

2. Ulih Kesah Si Badia (buah Roh/ fruit of the Spirit / karpo.j tou/ pneu,mato,j (karpos)

Cataten: Kata buah si ipake eme bentuk tunggal:buah/fruit/ karpo.j e ngataken maka “Buah Roh” labo 9 buah si berbeda tapi 1 buah 9 karakter (“Satu Buah Sembilan Rasa”) ???

Ertina Buah Roh la terpisah-pisah contohna adi lit kekelengen, tentu ikut ije keriahen, lit ka je kemalemen ate dst, uga banci lit kekelengen tapi la ije keriahen, uga lit keriahen tapi la ka lit je kemalemen ate dst.

Siwah karakter buah Roh enda banci ibagi kubas telu bagin :

A. karakter si erkawiten ras Dibata: Kekelengen, Keriahen, kemalemen ate.

• Kekelengen (love, avga,ph agape): Paulus ngataken ibas ay.14 Sabap kerina Undang-undang ipersada i bas sada pedah, e me, "Kelengilah temanndu manusia bagi kam ngkelengi dirindu." Kekelengen eme si jadi palas Dibata ibas ngerembakken diriNa ras manusia., Pendahin Kesah Si Badia erbuahken kekelengen ibas dirinta, ulihna eme kengasupen manusia engkelengi Dibata bagepe manusia ras si debanna
• Keriahen (joy, chara): arah kata charis, ertina "rahmatgrace, "sukacita" (chara) turah erkiteken "rahmat" (charis) Dibata. Jadi 'sukacita' la keriahen sesaat saja, tapi 'sukacita sejati' si uluna ibas Dibata nari. Dibata erkuasa nandangi kerina si nasalit, erkuasa ibas kerina dampar kegeluhen kalak si tek, janah tek kita maka i bas kai pe Dibata erdahin guna kiniulin man kalak si erkeleng ate man baNa, e me kalak si enggo ipilih Dibata arah sura-suraNa.(Rm. 8:28). Emaka ibas kalak si erkiniteken jadi sada pendilo njadiken keriahen eme jadi gaya hidup. Meriahlah min akapndu katawari pe erkiteken persadanndu ras Tuhan. Sekali nari kukataken: Meriahlah! (Plp 4:4)
• Kemalemen Ate (peace eivrh,nh( Eireine): Kemalemen ate rehna ibas kiniteken kubas kesempurnaan penjayamen Dibata ibas kerina dampar geluh anak-anakNa. Kemalemen ate la idat ibas erta, pangkat, jabaten entah kai pe silit ibas doni enda nari. Kemalemen ate eme anugrah ibas Dibata Nari, … Kemalemen ateKu Kubereken man bandu. Carana Aku mere kemalemen ate e man bandu labo bali ras cara doni enda merekenca. Ola ukurndu gulut janah ola kam mbiar. (Joh. 14:27) adi ras Dibata lalit kai pe si ibas doni enda si banci mbeneken kemalemen ateta.

B. Karakter si erkawiten ras sapih sapih manusia: kesabaren, idalankenna perbahanen si mehuli, mehuli ia

• Kesabaren ( patience, makroqumi,a(makrothumia): mbelang juma melala pagena, melala jelma mbue erbagena bage me kuan-kuan karo, emaka ibas nggeluh ras-ras ibas erbage-bage biak iperluken kesabaren, makrotomai: makros, "panjang," dan thumos "temperamen" ertina la terjeng kesabaren ngenca tapi panjang sabar ras tekun, eme sada kualitas pengendalian diri si mehuli ibas ngalaken provokasi arah erbage-bage biak jelma ndai. Penegu-negu Kesah Si Badia empeturah biak panjang sabar ibas kegeluhen kalak si tek.. Dibatanta e eme Dibata si panjang sabar Msm. 103:8 TUHAN adalah penyayang dan pengasih, panjang sabar dan berlimpah kasih setia. Kesabaren kualitas si arus lit ibas anak-anak Dibata. Madin jadi kalak saber asangken erkuasa, ngkuasai diri ulin asangken naluken melala kuta. (Orang yang sabar melebihi seorang pahlawan, orang yang menguasai dirinya, melebihi orang yang merebut kota)Amsal 16:32.
• Perbahanen si mehuli, (Kemurahan, kindness, crhsto,thj Chrestotes): kiniulin si erpalas kubas “kemurahan hati”, biak entah pe perbahanen mehuli si erguna man kalak si perlu man sampaten bahken man kalak si la itandai entah pe la isenangi. Perbahanen mehuli si la ngenen kubas uga perlakuan kalak, lakokenna si mehuli perbahan mehuli kin ia.contohna kalak samaria ibas luk.10:25-37
• Mehuli ia (kebaikan, goodness, avgaqwsu,nh agathosune): Kebaikan perbahanen si mbaba kiniulin man kalak si deban. Biak mehuli ( Kemuliaan perilaku; kebajikan), perbahanen si tujunna guna empehuliken.

C. karakter si erkawiten ras diri sendiri: setia, Meteruk ukurna, ngasup engkuasai diri

• Setia (Kesetiaan faithfulness, pi,stij, Pistis) : eme kinibujuren ras integritas ibas perbahanen. Si erhubungen ras komitmen bagepe tanggungjawab, contohna ibas jabu/pasangan hidup, entahpe kiniteken man Dibata. Melalakal si erbahanca manusia la setia, emaka Kesah Si Badia empengasup kita ngidah maka Dibata, ngidah kerina, lalit siterbuni I adepen Dibata, eme siempeturah biak setia ibas kita.
• Meteruk ukurna (kelemahlembutan, Meekness/ gentleness, prao,thj praote,): eme pusuh si erpengendes/berserah kubas pengaturen Dibata, seh maka la pernah ia merawa. (Kelemahlembutan  adalah sikap hati di mana ia menyerahkan masalahnya dibawah  kontrol  Allah, sehingga ia dimampukan untuk tetap bersikap lembut).
• Ngasup engkuasai diri (penguasaan diri, self-control/ temperance, evgkra,teia egkrateia): penguasaan diri eme bungkus ibas 8 buah roh siturah ibas ulih Kesah Si Badia, penguasaan diri ertina kengasupen mengendaliken diri, adi sekalak la ngasup engkuasai diri, nukah merawa, megelut, mbenceng maka ibas sengkemirep mata sia-sia kerina karakter buah roh si deban. Penguasan diri mutlak arus lit ibas kalak si itegu-tegu Kesah Si Badia. Emaka silatihlah dirinta ibas engkuasai diri arah hal si sederhana: engkuasai diri ibas pangan, inemen, peruis, hobbi, amarah rsd.

3. Endame ulih Kesah Si Badia si turah ibas tep-tep kalak si geluhna lit ibas penegu-negu Kesah Si Badia, Bage me kalak si enggo jadi sikerajangen Kristus Jesus; perukurenna secara manusia enggo ibunuhna i kayu persilang rikut ras kerincuhen dagingna bage pe sura-surana.(ay. 24), alu bage melala perubahen ibas tep-tep pribadi, kegeluhen semakin berkualitas, semakin bermakna ras semakin damai sejahtra, ulih Kesah si Badia njadiken “hidup semakin hidup” Amin.

Pdt. Maslan Sitepu-Bandung Barat

Kejadin 1:31; 2:1-4

KERINA TINEPA DIBATA MEHULI

(GBP Tahun 2022: Kelestarian Alam/Hari Lingkungan Hidup)

1. Doni si itepa Dibata, eme doni si seh kal ulina ras jilena, lit deleng-deleng meganjang, uruk-uruk bagepe taneh rata si idemi dukut-dukut si meratah, llit ka danau-danau, parik-parik si seh kal jilena, ku japa pe mata natap ras nulih teridah dukut dukut meratah ras bunga bunga si mejile ras merim, udara bersih, segar bebas arah unsur-unsur sierbahaya, doni si sehkal jilena lebihen asang taman-taman bunga ibas istana si paling megah pe.

Dibata merancang doni alu keanekaragaman si erwarna-warni si sehkal jilena. Kiniulin, keindahen si lit bas doni enda eme sada tanda keleng ate Dibata, si banci siidah ras sinikmati ibas, deleng deleng si meganjang, uruk-uruk si mehuli, danau-danau si mejile, dukut-dukut si meratah, batang kayu si meganjang, kuncup-kuncup bunga si mekar, kerina e nuriken man banta kerna Dibata ras kemuliaanNa (Masmur 19:2,3 Langit encidahken kemulian Dibata, awang-awang erberita kerna perbahanenNa. 19:3 Tep-tep wari erberita kempak wari si pagina, tep-tep berngi nuri-nuri man berngi si pagina ka.)

Dibata enggo njadiken doni enda, ercabinken kinijilen, kiniulin ras ndemisa alu erbage-bage isina sikerina erguna man manusia, baik si ibas laut, darat bagepe I awang-awang, ibas enem wari penciptaan doni enggo idungi Dibata alu sempurna.

Ibas turi-turin penciptan enda, banci si idah Dibata ermeriah ukur kal ngidah kerina si ijadikenNa, seh maka itatapNa ras ikatakenNa tuhu-tuhu mehuli.

Tuhan sudah memberikan lingkungan yang asri dan hijau pada kita, lalu apa yang akan kita berikan sebagai wujud terima kasih tersebut. Sudah sepatutnya kita menjaga apa yang telah diberikan bersama-sama. Ini adalah salah satu wujud syukur atas apa yang Tuhan telah diberikan

2. Manusia eme mahakarya ibas tinepa Dibata perbahan manusia itepa sentudu ras tempasNa (ay.27). alu tujun guna ngusahai ras njagai (2:15), gelah Kerina Tinepa Dibata Mehuli (Tema) guna nehi tema enda GBKP ibas GBP menetapken sasaren pelayanen tahun 2022 eme Kreatif Merawat Lingkungen, lingkungen si imaksud eme keutuhan dan kebersamaan kerina tinepa Dibata, eme: Manusia, Alam, ras hewan.

Ibas GBP GBKP ilumbaken :

• Maka ibas mahakarya penciptaan, manusia eme salah sada bagi ibas mahakarya Dibata e, adi inen ibas turi-turin penciptaan ibas kej. 1:26,31 manusia eme tinepa si perpudina, ibas wari pe 6 ken ope Dibata ngadi ibas wari sip e 7 ken (Kej.2:3). Adi penciptaan I analogiken sebagi “ketubuhen” maka manusia eme anak singuda si menurut tradsis arus mehamat kempak si lebih metua.
• Karya penyelamaten Dibata, labo terjeng kempak manusia emaka Berita si Meriah (Injil) perlu iberitaken secara tekstual ras kontekstual man jelma si memiliki peran ibas njaga Tinepa (Kelsetarian Alam), emaka Jemaat GBKP arus terlibat ibas karya penyelamaten Dibata arah njagai kelestarian alam ras rubia-rubia si rentan punah, bagepe njagai keseimbangen Alam.
• 17 Tujuan pembangunan Berkelanjutan (Sustainable Development Goals si irumusken PBB. Eme: (1) Tanpa Kemiskinan; (2) Tanpa Kelaparan; (3) Kehidupan Sehat dan Sejahtera; (4) Pendidikan Berkualitas; (5) Kesetaraan Gender; (6) Air Bersih dan Sanitasi Layak; (7) Energi Bersih dan Terjangkau; (8) Pekerjaan Layak dan Pertumbuhan Ekonomi; (9) Industri, Inovasi dan Infrastruktur; (10) Berkurangnya Kesenjangan; (11) Kota dan Permukiman yang Berkelanjutan; (12) Konsumsi dan Produksi yang Bertanggung Jawab; (13) Penanganan Perubahan Iklim; (14) Ekosistem Lautan; (15) Ekosistem Daratan; (16) Perdamaian, Keadilan dan Kelembagaan yang Tangguh; (17) Kemitraan untuk Mencapai Tujuan.

Kita tidak pernah mewarisi dunia ini dari para nenek moyang terdahulu. Ingat di sini kita hanya meminjam. Apa yang sepatutnya kita lakukan dengan barang pinjaman? Tetap menjaganya agar selalu dalam keadaan baik dan utuh.

3. Hari Lingkungan Hidup (World Environment Day/WED) iperingeti tep-tep tanggal 5 juni untuk meningkatkan kesadaran global untuk mengambil tindakan lingkungan yang positif bagi perlindungan alam dan planet bumi, itetapken oleh majelis umum PBB 5-16 juni 1972 di Stockholm Swedia. Untuk tahun 2022 dengan tuan rumah Swedia dengan tema “Only One Earth” dengan fokus pada “Hidup Berkelanjutan dalam Harmoni dengan Alam”. (World Environment Day 2022 is hosted by Sweden. “Only One Earth" is the campaign slogan, with the focus on “Living Sustainably in Harmony with Nature”).

Bumi tak selamanya hijau. Bumi juga tidak selamanya mampu menampung polusi dan kerusakan akibat ulah manusia. Untuk itu, sebagai seorang yang membutuhkan bumi, hendaknya kita turut menjaganya agar tetap kuat dan memberikan banyak manfaat.

4. Diskusi:

• Uga pemahamennta sekalak-sekalak, kerna erti tema “Kerina Tinepa Dibata Mehuli”, ibas empekena-kena lingkungen inganta tading.
• Dibata erngena ate nandangi simehuli, emaka ngena ate Dibata adi lingkungenta mehuli sibahan.
• Lingkungen eme kerina tinepa Dibata: manusia, rubia-rubia ras sinuan-sinuan. Eme siman pekena-kenaan gelah mehuli ibas erti selaras seimbang ras harmoni.
• Kai nge banci silakoken gelah tinepa Dibata radu engkuhi (saling melengkapi) kerinana.
• Enda tentuna labo hal si gampang, emaka iperluken komitmen tep-tep kalak.
• Gelah saling melengkapi tentu perlu ilakoken 17 rumusen SDGS/TPB (Tujuan Pembangunan berkelanjutan. Si irumusken PBB
• Contoh, manusia nggeluh perlu oksigen, batang kayu penghasil oksigen, nina, guna encukupi kebutuhen oksigen sekalak jelma iperluken 7 batang kayu, emaka si suanlah batang kayu.
• Doni enda enggo nikapken kerina si ibutuhken manusia guna nggeluh, tapi doni endape lit keterbatasenna, emaka perlu tanggung jawab. La terjeng ngusahaisa ngenca tapi rikut ras njagaisa.

Pdt. Maslan Sitepu, Bandung Barat.

AKU REH NDAHI KAM

1 Korinti 16:5-12

(Tuhan Yesus Nangkih Ku Surga/Pra Pekan Doa)

Rasul Paulus mpeseh rencana perdalanenna ku perpulungen Korinti. Tangtangna ibahanna perdalanenna ku Makedoni guna ngelai ijah. Ngarap kal Paulus gelahna ia banci tading ndekah i Korinti. Kepeken perpulungen Korinti pe meriah kal ukurna mbegi rencana Paulus e, tapi sayang, rencana Paulus berubah sebab Paulus ngidah maka lit kesempaten si terbelinen ras si lebih penting si icidahken Dibata man bana guna mberitaken Berita Simeriah (Ayat 8-9). Em sababna Paulus la surung ku Kotinti.

Bageme Paulus, ibas ia erbahan kujungan, pelayanen ntah pe perjumpan, Paulus ngidah pintu pelayanen terbuka i Efesus janah metedeh kal atena mberitaken Berita simeriah dingen memenangken jiwa-jiwa si tersesat i Efesus, labo guna memanjaken kalak si enggo selamat eme perpulungen Korinti. Paulus lebih mengutamakan agenda Tuhan asangken agenda pribadina. Man Paulus, kesempaten siibereken Tuhan guna memenangken jiwa, jauh lebih penting.

Paulus ibas ngerencanaken pelayanenna tuhu-tuhu kal irencanakenna alu mehuli. Bali ras Yesus ibas ngajarken ajar-ajarNa, gelah iukurkenna lebe alu mbages-mbages ope iputuskenna ngikut Yesus (Luk. 14:28-32).

Adi siperdiateken menaken ibas ayat 1 nari, teridah maka Paulus tuhu-tuhu kepate nandangi perpulungen bagepe teman-temanna serayan Tuhan.

Ayat 1-4, Paulus kepate kempak kalak si tek si menderita erkiteken kinitekenna. Ngarap kali a gelahna perpulungen i Korinti bagepe Galatia muat bagin ia ibas mpepulung dana guna mpenahang kecibal perpulungen i Jerusalem si ikucilken erkiteken kinitekenna man Kristus.

Ayat 5-9, Paulus ncidahken kepedulianna kempak teman sepelayanenna. Mindo kal ia man perpulungen Korinti gelahna perdiatekennalah kecibal teman-temanna serayan Tuhan alu mehuli eriketeken nehken Berita Simeriah, eme: Timotius, Stefanus, Fortunatus, Akhaikus, Akwila ras Friskila.

Ayat 10-12 bagepe 16-19, Paulus ncidahken kepedulianna nandangi kecibal kiiniteken perpulungen silayanina. Iberekenna erbage-bage pengajararen/pedah-pedah gelah tetap paguh ibas kiniteken ras setia ngelai Tuhan (13-15) peduli dengan kondisi iman dan kerohanian jemaat yang dilayaninya. Ia memberi berbagai nasihat rohani agar mereka berdiri teguh dalam iman dan setia melayani Tuhan (13-15).

Teladan Paulus ibas bindu 16 enda sangat ibutuhken kalak si tek ibas paksa enda. Situasi kegeluhen si semakin keras bagepe persaingen si semakin ketat ibas geluh sitep-tep wari, secara langsung enggo mempengaruhi kegeluhen perpulungen. Banci jadi, serayan-serayan Tuhan ibas paksa genduari enda lebih peduli ngukurken kebutuhenna sendiri. Enggo seh kal kurangna waktuna guna ncidahken kepedulianna nandangi temanna manusia. Emaka marilah kita erlajar arah teladan Paulus.

Menurut kita masing-masing, guna menakenca, kai nge si perlu silakoken?

Kai-kai saja nge siakap si paling ibutuhken ibas gereja ibas paksa genduari enda?  

DISKUSI

1. Turiken engkai maka Paulus semangat kal er PI rikut njagai kemurnian ajaren gereja?

• Paulus nandai dirina si enggo ipilih Dibata guna nehken Berita Simeriah, seh maka ertanggung jawab kal ia njagai ras mpertahanken kemurnian ajaren gereja.
• Paulus ngidah maka pengaruh ajaren papak enggo bengket kubas perpulungen, emaka harus itangani sesegara mungkin gelah ula sempat perpulungen murtad mulihken.
• Paulus pe ngajuk serayan Tuhan sidebanna gelah radu ras njagai perpulungen si terancam kinitekenna erkiteken situasi si la kondusif arah tekanen ibas pihak-pihak si la senang kempak kehadiren gereja paksa sie.
• Paulus pe ngajuk perpulungen gelah radu ras njagai kiniteken si enggo ipelajari ras idengkehkenna gelah ula sempat italuken pengajaren si papak

2. Turiken kai-kai saja aksi nyata sibanci sibahan secara pribadi, sektor, kategorial bagepe Runggun tanda kita setia nimai kerehen Tuhan Yesus sipeduakaliken ihubungken ras dahin PI.

• ahin er-PI eme perintah si harus idahiken kerina kalak si tek man Yesus Kristus. Erkiteken perintah emaka kerina harus ertanggung jawab guna er-PI.
• Nginget kesibuken anggota perpulungen ibas pendahin, usaha bagepe kegiatenna ibas doni enda, erbanca kurang (la lit) waktuna guna Er-PI ibas konteks gundari enda.
• Emaka, gelah kerina banci er-PI subuk secara langsung (eme terjun langsung ku pelayanen PI lako ngajari ras mbabai kalak gelah nandai Yesus Kristus) bagepe secara la langsung (alu mereken dana, pemikiren ras toto) iarapken maka perpulungen berpartisipasi aktif ibas dua dampar idatas (langsung/la langsung).
• Ibas konteks gerejanta GBKP, piga-piga Klasis erbahan program PI klasis ku klasis tertentu si perlu isampati ibas er-PI guna mbabai kalak Karo si langa ku GBKP gelah bengket ku GBKP. Bagepe Gerejanta GBKP sangat membutuhkan partisipasi aktif perpulungen (subuk pribadi, keluarga, kategorial bagepe Runggun) guna nampati gerejanta membiayai ras nempatken tenaga detaser ku Perpulungen (perminggun) ntah pe Runggun si langa denga lit Pendeta ntah pe Vicaris guna ngelai ibas perpulungen.
• Perpulungen harus tetap erjaga-jaga guna nimai kerehen Tuhan sipeduakaliken alu tetap erbahan simehuli ibas geluhna sebagai wujud kintekenna man Tuhan Yesus kristus.

(SELAMAT MELAYANI PERPULUNGENTA IBAS PJJ MINGGU ENDA)

Pdt. Philipus Tarigan-Runggun Cililitan