Nats  : Heber 5 : 11 - 14

Tema : Kesempaten Jadi Guru

---

Surat Heber enda itujuken man perpulungen kalak Kristen si sangana ngenanami kiniseran si mesangat paksa e alu tujun guna mpegegehi kinitekenna man Dibata. Perpulungen enda eme perpulungen si enggo ndekah jadi kalak Kristen, tapi kinitekenna man Dibata lenga rurat mbages (tidak bertumbuh) dingen biakna bagi danak-danak denga. Biasana kalak si la mbages kinitekenna dingen biakna bagi danak-danak si mesunah kel iombang-ambingken pengajaren si papak, la tetap ukur dingen megati mesunah ngobah ukurna erkiteken perbeben ntah si la bagi ukurna si terjadi. Ibas situasi enda me penulis surat Heber enda mpegegehi kiniteken perpulungen segelah ula talu ibas situasi perbeben ntah pe kiniseran sisangana ialamina.

Khususna ibas natsta enda isehken maka arusna perpulungen enda enggo min jadi perpulungen si dewasa ibas kinitekenna man Dibata bagepe pengangkan ras pengertinna kerna kebenaren kata Dibata; enggo min banci jadi guru man kalak sideban tapi kinatana maka perpulungen e biakna desken danak-danak denga. Melala denga ate penulis isehkenna man pepulungen tapi mesera iakapna mpesehsa man perpulungen e erkiteken :

1. Pemahamen kerna kiniteken (iman Kristen) simbages ras utuh e la banci idatken alu cepat/ instan tapi arus arah proses (hubungen si mehuli ras Dibata, kininggiten guna erlajar kerna Kata Dibata bagepe arah pengalamen geluh sitep-tep wari)
2. Perpulungen e melet ibas ngangkai, lambat ibas rukur dingen mesunah lupa kerna pengajaren e.

Tapi amin bagepe penulis surat Heber enda tetap saber ras megenggeng ibas nehken pengajaren bagepe pengertin man peperpulungen. Ertanggungjawab kel iakapna ia kerna kiniteken ras kegeluhen perpulungen Tuhan e. Isehkenna pengajaren sipayo ras benar segelah perpulungen e jadi perpulungen si dewasa ibas kiniteken man Dibata.

Bage ka me kinata kegeluhenta perpulungen Tuhan ibas paksa genduari. Enterem sienggo ndekah jadi kalak Kristen si “nina” tek man Dibata tapi pertumbuhen rohani/ kinitekenna la teridah. Mesunah monce ukurna dikune reh perbeben ntah si la bagi ukur, mesunah denga terpengaruh kubas pengajaren sipapak bagepe cara geluh si la sentudu ras peraten Dibata, pergelut, la mediate nandangi dahin-dahin kiniteken/ gereja, ndekah melayani tapi butuh denga pengakun bas manusia nari, la ertanggungjawab (hakna ngenca ingetna); e kerina me biak si medanak denga. Ije teridah maka lenga dewasa ibas kiniteken. Ula lebe arapken erbuah, uratna ras perturahna saja lenga ibas kiniteken si benar ras payo eme ibas Kristus bagepe kataNa (band. Kolose 2 : 6 – 7). Oratna kin min enggo banci jadi pengajar nandangi kalak si deban. Hal enda banci saja erkiteken kurangna ketutusennta ibas nehken pengajaren (secara gereja bagepe jabu/ keluarga) bagepe kinilanggitenta guna ngaloken pengajaren situhu-tuhu ras benar kerna Dibata. Riahen siakap rusur megiken pengajaren “sientabeh ibas cuping” asangken pengajaren si aminpe “meser” dingen la entabeh guna ibegiken tapi mabai kegeluhen man banta.

La banci sipungkiri maka Ingan si paling penting ibas membentuk kiniteken si dewasa enda eme jabu. Orang tua (si dewasa ibas kiniteken) enggo pasti lit tanggungjawabna ibas jadi guru (guru = digugu dan di tiru) nandangi anak-anak itengah jabu. Ibabaina anak-anak e erkemalangen man Dibata dingen tutus ibas kegiaten gereja, iajarken ras imamahkenna Kata Dibata e ibas kegeluhen anak, icidahkenna biak-biak ras usihen si mehuli nandangi anak-anak itengah jabu (Ul. 6 : 4 -9). Saber dingen megenggeng kita ibas nehken pengajaren man anak jabunta, janah ibabo sie kerina tetap kita mindo pengajari Kesah Si Badia. Hal enda arus jadi perhatianta ras-ras selaku orang tua ras gereja, terlebih ibas ngidah tantangen buena pengajaren-pengajaren sipapak bagepe cara-cara nggeluh si ertentangen orat nggeluh selaku kalak Kristen bagepe selaku kalak Karo. Alu bage anak-anakta e jadi anak-anak si dewasa ibas kiniteken dingen ibas paksana pepagi ia ka jadi guru/ pengajar nandangi kesusurenna.

Kuga kin perpulungen sienggo dewasa?

• Litna pengertin ras pengangkan si benar kerna Dibata ras kataNa seh maka mbages ras payo penandaina kerna Dibata siisembahna e (Ep. 4 : 13). Alu bage amin pe melala tantangen ras perbeben, kegeluhenta la mesunah iombang-ambingken pengajaren si papak (Ep. 4 : 14 - 15). Emaka kiniteken si dewasa labo terjeng tek man Dibata tapi pe pang “mempercayaken” kegeluhenna ibas tan Dibata.
• Nggeluh bas ia kerna kata Dibata. Labo terjeng pengangkan ras pemetehna kerna kata Dibata saja si mbages tapi pe ngasup ia ndalanken kata Dibata e ibas kegeluhenna. (Jakup 2 : 17 “Bagepe kerna kiniteken. Adi kiniteken labo sue rikut ras perbahanen, kiniteken sibage mate kap”). Kalak si bage enggo ngasup guna ngajar subuk arah pengerana bagepe perbahanen (usihen).
• Ngasup man nakan keras (ay. 12b). Ertina ngasup ia ngaloken kebenaren situhu-tuhu dingen ngasup ia ngalaken situasi siugapana pe sebab e kerina erbahanca ia megegeh ras paguh (1 Tim. 4 : 6 – 10).
• Ietehna apai si benar ras si salah (ay. 13) ntah pe ietehna apai si bujur apai si jahat (ay. 14). La ia mesunah terpengaruh ntah pe terkontaminasi kubas pengajaren bagepe cara nggeluh si papak.
• Ietehna kai tanggungjawab ras kewajibenna selaku kalak sierkiniteken subuk itengah jabu bagepe ibas perdatan itengah-tengah gereja.
• Lanai ia nggeluh guna dirina saja tapi enggo ngasup rukur bagepe berbagi man kalak sideban. Ngasup ngaloken kalak si deban, la ngasup nggeluh si sada (dewasa ibas kiniteken berarti reh ngasupna nggeluh ibas persadan labo reh ngasupna sirang ras kalak si deban).

 

 

Pdt. Elba Pranata Barus

GBKP Rg. Bandung Timur

PEJORE UKUR KU SI BENAR

1 Korinti 15 : 33 – 34

(Hari Anti Narkoba)

 

1. Piga-piga perpulungen Korinti la tek “kekeken ibas si mate nari”

1 kor. 15 ngerana kerna kekeken Kristus ibas si mate nari arah ayat 12 Banci si idah Paulus nuriken persoalen si turah I perpulungen Korinti eme piga-piga jemaat la tek nandangi berita kerna kekeken kristus ibas si mate nari, (Dage adi iberitaken kami maka Kristus enggo ipekeke Dibata i bas si mate nari, uga banci maka piga-piga i bas kam ngatakenca maka labo lit kekeken i bas si mate nari?). Emaka ibas ayat 13 – 32 iterangken Paulus argumentasi si njemba gelah perpulungen e yakin ras mengaminken kerna kekeken Kristus.

2. Engkai maka lit piga piga perpulungen si la tek kempak kekeken Kristus?

Ayat 33 nuriken maka penyangkalen/la tek nandangi kekeken Kristus e erkiteken “Pergaulen si la mehuli” adi sinen Bahasa aslina eme o`mili,a (homilia) Meaning: company, association, si ibas terjemahen Bahasa inggris: Bad company ras communications, ertina, ersada/menggabungken diri/bergaul ras kelompok/komunitas tertentu.

Kelompok/komunitas e ibas ay. 32 isengetken Paulus alu kata rubia-rubia si merawa, eme kata sindiren nandangi kelompok masyarakat si bayak. ( masrakat kaya koronti si menganut faham Hedonis, alu gaya hidup hura-hura dan berpesta pora alu semboyan ("Man minem sajalah kita, sabap pagi mate me kita/ "marilah kita makan dan minum, sebab besok kita mati".").

Piga-piga perpulungen Korinti menggabungken diri/bergaul ras kalak enda mungkin erkiteken “prestise, perlindungen ras manfaat-manfaat si deban, dungna perpulunngen e terjebak ras lanai ngasup ndarat ibas pengaruh gaya hidup ras konsep-konsep si ipahami ibas komunitas e.

Emaka Paulus ningetken “Ola kal kam papak” ibas erti hati-hati ibas pergaulen, Perpulungen arus megermet, ngenen, nandai/memperhatikan sungguh-sungguh, ija, ras ise ia bergaul, ula sempat kerina si mehuli si enggo lit ibas ia (pengajaren/kiniteken) ceda, benne, papak akibat pengaruh ibas pergaulenna sebab Realita sehari-hari menunjukkan bahwa seseorang ditentukan oleh dengan siapa dia bergaul, kata si ipakai Paulus "Pergaulen si la mehuli, ncedaken biak si mehuli."

Adi ibas kuan-kuan karo nina, adi ndeher ras kambing, bau kambing,

adi ndeher ras manuk bau manuk.

Pesan enda penting man kalak korinti ibas zamanna, apai ka ibas zamanta si gundari alu perkembangen tegnologi si erbahanca media reh buena ras reh canggihna, arah segala sisi banci mbereken pengaruh, ajaken, si ikemas alu kemasen si menarik, ras teridah mehuli ras benar tapi banci saja e menyesatken.

Tapi la ka bo e erbahanca kita jadi kalak si menutup diri, ras jadi hakim si ngataken e mehuli si deban lang, atau ibas istillah si deban kafir ras haram, Kata Dibata nuruh kita gelah jadi teman man kerina kalak, Paulus ngataken ibas 1 kor 9:20 Nandangi kalak Jahudi bagi kalak Jahudi aku guna ndatken kalak Jahudi. Bagi ia patuh man Undang-undang Musa, aku pe patuh man Undang-undang e, gelah banci ia dat aku, aminna pe aku labo i teruh Undang-undang e.

Perlu hati-hati, Paulus ngataken “gelah banci ia dat aku” ola kari justru kita si idat kalak.

Contoh, anak-anak ta ibas pergaulenna ras agama si deban, mungkin sura-surana guna narik temanna ku agamana, tapi justru kedungenna ia si nadingken kinitekenna.

Tugasta sebage Terang mengharusken kita erteman ras ise pe, adi kita menutup diri e ertina kita terang si itamaken I teruh Tumba, tapi hati-hati sebab ibas hakikatna segelap-gulita apapun satu kegelapan tidak akan pernah tahan dengan setitik cahaya terang, ola kari terangta e justru si redup ras jadi gelap. Emaka waspada ibas setiap pergaulen ras jemak enteguh 1 tes 5:21 Kai pe ujilah lebe; cikep si mehuli,

3. Nasihat Paulus man Perpulungen Korinti.

- Pejorelah ukurndu/Sadarlah kembali sebaik-baiknya

Sada sisi enda nuriken kecibal kesalahen si terjadi ibas kalak korinti enggo cukup parah, (kesalahen theologis/la tek nandangi kekeken kristus ras kesalahen praktis/pergaulen sila mehulli, kerusakan moralitas). kata eknēphō (“sadar”) biasa ipake berhubungen ras kemabukan/mabuk. Kalak korinti enggo tuhu-tuhu papak, lanai ngasup engkuasai diri bagi kalak si mabuk erkiteken inemen keras/alcohol. Emaka nina Paulus ay. 34 Pejorelah ukurndu ku si benar, janah olanai bahan dosa. Piga-piga i bas kam lit denga si la nandai Dibata. Si enda kukataken gelah mela iakapndu.

Kesalahen kalak korinti turah erkiteken kesalahen pemahamen ibas erkiniteken alu kata si deban, penolaken nandangi kiniteken kempak kekeken ibas si mate nari, empengaruhi gaya hidupna ku bas perbahanen si la mehuli.pas bagi kata “apa yang ada dipikiran sangat menentukan apa yang akan kita lakukan”

Erlajar arah perpulungen Korinti, ndilo kita gelah lebih gencar nuriken, ngajarken kerna lit na kekeken man kalak si erkiniteken, alu arapen kita lebih ertanggung jawab nandangi kegeluhennta.

Kalak si la ertanggung jawab nandangi kegelehunna I andingken Paulus bagi kalak si si la nandai Dibata, kata la nandai = ketidaktahuan” (agnosia Jun.) si ertina, bagi kalak motu si jago akapna bana, ia si salah tapi ia lalap akapna si benarna,. Atau ibas Bahasa sideban “Mereka bukan hanya tidak memiliki apa yang seharusnya dimiliki. Mereka justru memiliki apa yang seharusnya tidak boleh dimiliki”.

Sada kondisi/keadaan si sangat memalukan, si erbuahken kehancuren/destroy ibas istillah inggris.

4. Pangkenaina

Kondisi perpulungen korinti enggo parah, erkite-kiteken salah pergaulen, kondisi Indonesia gundari mungkin lebih parah ibas kasus narkoba. Piga-piga informasi enda mungkin jadi pendilo man banta guna lebih hati-hati, guna lebih gencar/tegas nuriken maka geluhta enda pagi ipertanggungjawabken erkiteken lit kekeken kenca kematen.

• Kepala Badan Narkotika Nasional Provinsi (BNNP) Jawa Timur Brigjen M Aris Purnomo menyatakan, Jatim berada di urutan kedua kasus narkobaterbanyak di Indonesia setelah Sumatera Utara pada triwulan 1 tahun 2021.
• BNN Sebut 1 dari 10 Penduduk Sumut Pengguna Narkoba " “Sekitar 1,5 juta dari 14 juta jiwa lebih penduduk Sumatera Utara menjadi pengguna narkoba, baik pasif maupun aktif, yang didominasi pengguna sabu-sabu dan ganja,” Toga H Panjaitan,  inews.id Selasa (26/10/2021).
• Deputi Pemberantasan BNN RI Irjen Pol Arman Depari menyatakan, saat ini Sumut menjadi daerah tertinggi dalam hal pecandu narkoba. Sumut melampaui DKI Jakarta yang sebelumnya menjadi daerah tertinggi dalam hal pengguna narkoba di Indonesia. Dari 14 juta lebih jumlah penduduk Sumut saat ini, 1 juta diantaranya merupakan pengguna narkoba. Ini berarti 7 persen penduduk Sumut merupakan pengguna narkoba.
• Saat ini, angka pengguna narkoba di Jabar sekitar 68.042 jiwa. Angka prevalensi penyalahgunaan narkoba di Provinsi Jawa Barat adalah 0,40 persen atau sekitar 68.042 jiwa.

Aristoteles, ngataken manusia eme zoon politicon, si ertina manusia adalah makhluk sosial yang tak lepas dari kebersamaan dengan manusia lain. Emaka hati-hati dengan pergaulanmu! Kenali kemampuanmu dan kenali lingkungan tempatmu bergaul, Tak kenal maka tak kebal.

Ope denga terlanjur ceda perban pengaruh buruk lingkungen pertemanan, sadarlah, pejorelah ukur, tadingkenlah/sirangilah kebiasaan si la mehuli. erkiteken nadingken kebiasaan buruk si enggo terlanjur melekat akibat pergaulen si salah seh kal sulitna.

Malem me ate kalak si la megiken pedah kalak jahat, si la ngusih perbahanen kalak perdosa si la erteman ras kalak megombang man Dibata. (Mas.1:1)

Kutare batang galiman, Tanggak talang si asar ndukur

Metemget, megermet tare teman, gelah ula papak ibas perukur.

 

Pdt. Maslan Sitepu-Runggun Bandung Barat

ERTA RAS KEBAYAKEN IBAS TUHAN NARI

1 Kronika 29:10-14

(Persembahen Kerja Rani)

 

1. Perikop enda eme puji-pujin ras pengataken bujur Raja Daud erkiteken kesempaten guna nehken persembahen man Dibata guna pembangunen Rumah Pertoton Man Tuhan. Persembahen e isehken la terjeng alu ukur meriah ngenca tapi “seh riahna iakapna mere” , ( Bangsa e mere man TUHAN alu ukur meriah dingen seh riahna iakapna mere e. Raja Daud pe lanai kin alang-alang riahna iakapna.) (ay.9). Keriahen ukurna e teridah arah persembahen si isehken eme:

• Persembahen Raja Daud: Kubereken tole emas si mejilena lebih seratus ton ras pirak menam 240 ton guna hiasen dingding Rumah Pertoton e (ay.4)
• Persembahen kepala terpuk, pegawai suku, komendan meliter, ras pengurus erta kerajan mereken : Iberekenna 170 ton emas, 310 ton pirak, 620 ton tembaga, 3.400 ton besi.(ay.6,7).
• Tambahenna ipersembahken kalak enda: seribu lembu, seribu bajar, seribu biri-biri si nguda denga; kerina e itutung kalak enda i babo batar-batar. Lau anggur pe ipersembahken kalak enda ka.(ay.21)

2. Engkai ndia maka bage riahna ukur ras bage belinna pesembahen si isehken?

• Raja Daud ngataken “si man bahanen e la istana manusia tapi Rumah Pertoton man TUHAN Dibata”(ay.1).

Igejapkenna uga belinna kuasa Dibata, muliana, ulina Dibata. (Kam kap si mbelin, Kam kap si terberita, Kam kap si mulia, Kam kap si mehulina dingen Kam kap si Mada Kuasa. Kerina langit ras doni Kam si madasa, Kam kap raja, pemerentah i babo kerinana) .(Ay.11) emaka man Dibata saja ngenca pujin ras kehamaten si mbelinna. Simenarik enda pengakun ibas sekalak raja, si bas ia lit kuasa, lit gegeh, kebayaken, kemegahen, rsd. Tapi ia ngasup ngakui maka ia labo kai pe iadep-adepen Dibata, emaka Rumah Pertoton Tuhan Dibata arus si terbaik, termegah ndauh ulin asang istana raja si istilahken Daud “istana manusia”. Emaka keriahen ras kengasupen /kinipangen mere persembahen erkawiten kal ras penggejapen kerna ise kin Dibata e ibas kita.

Adi sigejapken Dibata e mbelin, mulia, persembahenta pe mbelin…..aturna ???

Kerja-kerja manusia VS Kerja kerja Dibata:

Nina pa nina: adi lit kerja kerja (nereh empo) adi kalak si mehaga/bayak si erkerja e biasana pertamana/beras piherna rata-rata 100 ribu si kitikna, adi sierkerja e la kalak mehaga/mesera e biasana beras piherna rata-rata 100 ribu sigalangna.

Adi siibaratken kerina kegiaten ibadah (keb. Minggu, PJJ, PA, rsd) eme kerja kerja Dibata uga nge beras piherta ? kalak mehaga nge, kalak mesera nge entah kalak mesera pe ladem ?

• Raja Daud ngataken: Kerina erta-erta ras kebayaken rehen i bas Kam nari nge; Kam merentah kerinana alu kuasa ras gegehNdu. Janah Kam ngasup erbahan kalak jadi si mbelin dingen erkuasa ay.12.

Kesadaran kerina si lit ibas kita Dibata kap empuna (tema: erta ras kebayaken Dibata kap empuna) (ayat 12,14). Emaka turah ukur guna muji Dibata ras ngataken bujur (ay.13). penggejapen sibagenda sehkal perluna I pebelin ibas geluh kalak si erkiniteken. Lirik lagu berkat kemurahanMu singataken

Aku ada saat ini, Semuanya karna kasih-Mu

Aku hidup hari ini, Semua berkat kemurahan-Mu

Adi sigejap ras ngaku kita maka ibas Dibata nari kap kerina si lit ibas kita,termasuk geluhtape , labo erkiteken gegehta, labo erkiteken pentarta maka sehkal riahna siakap muji Dibata ras ngataken bujur man baNa janah tek kal kita maka Dibata tetap nikapken kerina si ieprluken kita ibas geluhta.seh maka lalit kebiaren ibas mere, nampati bage pe nehken persembahen.

• Raja Daud ngataken: Sabap bangsangku ras aku tuhu-tuhu la ngasup mere man baNdu, sabap kerina ialoken kami i bas Kam nari nge, janah kami ngulihkenca ngenca man baNdu kai si enggo iberekenNdu man kami (ay.14)

Pasu-pasu ibas Tuhan nari eme si igejapken Daud ras bangsa Israel, ikateken maka “kerina” ibas Tuhan nari kap. Emaka kita pe perlukal menghitung berkat-berkat Tuhan si enggo si aloken “berkat tuhan satu-satu hitunglah” siakui me maka mbelinkal pemere Dibata enggo sialoken, sinanami ibas geluhta. Contoh:

Nina mbah Google: tep-tep manusia membutuhken 550 liter oksigen sada wari, erga oksigen 1 liter Rp. 25.000,- emaka 1 wari kita perlu Rp. 13.750.000,-

Adi kita ngitung pasu-pasu Tuhan tep-tep wari ibereken Tuhan 13.750.000,- man banta ibas bentuk oksigen, mari si kaliken piga wari kita enggo nggeluh, e hanya bas sada bagin si iperluken kita saja denga. La terbeligai belinna pemere Dibata man banta. Isingetken maka kita “terjeng ngulihkenca ngenca” ibas kita ngulihken pemere Dibata perlu si inget Filosifi manuk/ayam: adi manuk kitik sorana pe kitik, adi manuk galang tentu sorana pe megang ras galang, adi manuk galang sorana kitik, e manukna e ermasalah.

Ula min kita ermasalah ibas nehken persembahen.

Allah telah memberi kita terlebih dahulu, dan pemberian kita yang terbaik sekalipun takkan cukup untuk menyamai kemurahan hati-Nya.

3. Kerja Rani VS Kerja Tahun

Kerja rani eme kerja si iaturken Dibata man bangsa Israel (Ul. 16:10 Kenca bage maka bahanlah Kerja Rani, guna pehaga TUHAN Dibatandu, alu maba persembahen ukur meriah man baNa. Buena rikutken pasu-pasu si iberekenNa man bandu).

Kerja Tahun eme kerja siaturken manusia

Adi sitaktaki ibas pelaksanna kerja Tahun, banci jadi tep-tep jabu empedarat biaya minimal 2 juta, guna perpan ras adangen kerja tahun kuta. Adi kita si ibas perantauan, (jawa sekitarna) banci jadi minimal 3 juta sipedarat biaya guna transport PP adi ikut kita ngerayakenca I kuta lenga ka biaya selama I kuta.

Nulih kita kempak kai si ikataken Daud 1 kro. 29:1 Nina Raja Daud man kerina perpulungen e, "Anakku Salomo kalak si enggo ipilih Dibata. Tapi ia nguda denga, la lit pengalamenna. Sabap si man bahanen e la istana manusia tapi Rumah Pertoton man TUHAN Dibata.

Apai nge ndia buen senta ndarat ibas kerja Tahun entah ibas kerja Rani ??

“Sabab kerja e la guna manusia, tapi kerja guna Dibata (kerja Rani”

 4. Kesadaran diri Daud tentang dirinya dan bangsanya.

Dalam ayat 14-15, Daud menyatakan, “ Sebab siapakah aku ini dan siapakah bangsaku, sehingga kami mampu memberikan persembahan sukarela seperti ini? Sebab dari pada-Mulah segala-galanya dan dari tangan-Mu sendirilah persembahan yang kami berikan kepada-Mu.” Daud menyadari bahwa dirinya tidak layak untuk menerima begitu banyak berkat dan kebaikan Tuhan. Jika mereka dilayakkan, maka semuanya hanya karena kasih karunia Allah.

Juga, di dalam ayat 14 dinyatakan bahwa jika mereka dimampukan oleh Allah untuk bisa memberikan persembahan, itu pun hanyalah karena anugerah Tuhan. Mereka menyadari bahwa segala-galanya adalah milik Allah, dan bukan milik mereka. Jika mereka “memiliki” sesuatu, itu pun milik Allah dan diberikan oleh Allah. (Baca: Ulangan 8:11-18)

5. Sikap hati saat memberi

Daud memberikan teladan yang sangat indah tentang memberi di perikop ini. Ia dan bangsa Israel memberikannya dengan sukarela dan tulus ikhlas. “Aku tahu, ya Allahku, bahwa Engkau adalah penguji hati dan berkenan kepada keikhlasan, maka akupun mempersembahkan semuanya itu dengan sukarela dan tulus ikhlas. Dan sekarang, umat-Mu yang hadir di sini telah kulihat memberikan persembahan sukarela kepada-Mu dengan sukacita.”

6. Doa saat memberi persembahan

Sikap hati “yang tulus ikhlas, rela hati dan sukacita” harus dijaga dan dipelihara. Karena itu, untuk mengakhiri pujian dan syukurnya, Daud menaikan sebuah doa yang sangat indah. “Ya TUHAN, Allah Abraham, Ishak dan Israel, bapa-bapa kami, peliharalah untuk selama-lamanya kecenderungan hati umat-Mu yang demikian ini dan tetaplah tujukan hati mereka kepada-Mu. Dan kepada Salomo, anakku, berikanlah hati yang tulus sehingga ia berpegang pada segala perintah-Mu dan peringatan-Mu dan ketetapan-Mu, melakukan segala-galanya dan mendirikan bait yang persiapannya telah kulakukan” (ay. 18-19). Daud pun berdoa untuk anaknya. Dalam hal ini, penting juga bagi kita untuk berdoa bagi anak-anak kita agar mereka pun memiliki hati yang tulus ikhlas dalam hidup dan melayani Tuhan.

“Kalau Yesus Kristus adalah Tuhan, dan Ia telah mati bagi saya, maka tidak ada pengorbanan yang lebih besar, yang dapat saya persembahkan kepada-NYa.”

Ketika kita mengakui Allah sebagai pemilik segala sesuatu, kita dapat berkomitmen untuk memberi dengan penuh syukur, murah hati, dan setia demi memberkati orang lain. Kita pun dapat mempercayai bahwa Allah akan menyediakan yang kita butuhkan—bahkan mungkin menggerakkan orang lain untuk bermurah hati dan menolong kita di saat kita membutuhkan pertolongan. —Xochitl Dixon

Tuhan, tolonglah kami mengingat bahwa Engkaulah pemilik segalanya saat kami bertekad mempersembahkan seluruhnya kepada-Mu dengan rela dan tanpa pamrih.

Allah telah memberi kita terlebih dahulu, dan pemberian kita yang terbaik sekalipun takkan cukup untuk menyamai kemurahan hati-Nya.

 

Pdt. Maslan Sitepu-Runggun Bandung Barat